ឯកឧត្តម ឡាយ វណ្ណៈ អភិបាលខេត្តតាកែវ “ប្រសិនបើអ្នកចង់ទៅលឿនអ្នកទៅម្នាក់ឯង ប៉ុន្តែប្រសិនបើអ្នកចង់ទៅបានឆ្ងាយអ្នកត្រូវទៅជាក្រុម”

នាឱកាសអញ្ជើញជាអធិបតីក្នុងពិធីសំណេះសំណាលគ្រីស្តបរិស័ទទូទាំងខេត្តតាកែវ លើកទី១ នារសៀលថ្ងៃទី២៤ ខែកក្កដា ឆ្នាំ២០១៥ នៅមជ្ឈមណ្ឌលករុកោសល្យភូមិភាគតាកែវ ឯកឧត្តម ឡាយ វណ្ណៈ អភិបាលខេត្តតាកែវ បានមានប្រសាសន៍ពីការបើកទូលាយរបស់ រាជរដ្ឋាភិបាលកម្ពុជា ចំពោះសិទ្ធ ប្រជាពលរដ្ឋក្នុងការគោរពប្រតិបត្តិទៅតាមជំនឿសាសនារៀងៗខ្លួន។ឯកឧត្តមបន្តថាសាសនាទាំងអស់មិនថាសាសនា ព្រះពុទ្ធ ឥស្លាម ឬក៏សាសនាគ្រីស្តទេតែងតែអប់រំមនុស្សឱ្យប្រព្រឹត្តអំពើល្អ និងចេះគោរពស្រលាញ់គ្នាទៅវិញទៅមក ដូច្នេះសូមប្រជាពលរដ្ឋទាំងអស់មិនត្រូវប្រកាន់ ឬរើសអើងសាសនាឡើយ ហើយត្រូវរួបរូមគ្នាដើម្បីកសាង អភិវឌ្ឍន៍ប្រទេសយើងឱ្យបានរីកចំរើនជានិរន្ត ដូចដែលពាក្យស្លោកមួយថា ប្រសិនបើអ្នកចង់ទៅលឿនអ្នកទៅម្នាក់ឯង ប៉ុន្តែប្រសិនបើអ្នកចង់ទៅបានឆ្ងាយអ្នកត្រូវទៅជាក្រុម។