ឯកឧត្តម ឡាយ វណ្ណៈ អភិបាលនៃគណៈអភិបាលខេត្តតាកែវ និងមន្ត្រីរាជការសាលាខេត្ត អញ្ជើញចូលរួមកាន់បិណ្ឌនៅវត្តលឹមពូលស្យារាម ស្ថិតក្នុងសង្កាត់រកាក្នុង ក្រុងដូនកែវ


ល្ងាចថ្ងៃទី២១ ខែកញ្ញា ឆ្នាំ២០១៤ ត្រូវជាថ្ងៃកាន់បិណ្ឌទី១៣នៃរដូវបុណ្យភ្ជុំបិណ្ឌ ឯកឧត្តម ឡាយ វណ្ណៈ អភិបាលនៃគណៈអភិបាលខេត្តតាកែវ និងអមដំណើរដោយ លោកនាយករដ្ឋបាល លោកស្រីនាយករងរដ្ឋបាល លោកនាយករងទីចាត់ការ សាលាខេត្ត លោក លោកស្រី ប្រធាន អនុប្រធានមន្ទីរ ជុំវិញខេត្ត បានអញ្ជើញចូលរួមកាន់បិណ្ឌនៅវត្តលឹមពូលស្យារាម ស្ថិតក្នុងសង្កាត់រកាក្នុង ក្រុងដូនកែវ ខេត្តតាកែវ។ ក្នុងពិធីនេះដែរ ឯកឧត្តមបានមានមតិសំណេះសំណាល និងពាំនាំការសួរសុខទុក្ខពីសំណាក់ថ្នាក់ដឹកនាំរាជរដ្ឋាភិបាលមានសម្តេចទាំងបីជាអ្នដឹកនាំ ឯកឧត្តម បានថ្លែងអំណរគុណជូនចំពោះ លោកយាយ លោកតា ពូ មីង បងប្អូនប្រជាពលរដ្ឋដែលបានគាំទ្រ រាជរដ្ឋាភិបាលសព្វថ្ងៃ ដឹកនាំប្រទេសមានការរីកចម្រើនទៅមុខជានិច្ច។ ឯកឧត្តមក៏បានមានប្រសាសន៏ថា “ឯកឧត្តម ត្រូវបាន រាជរដ្ឋាភិបាល និងព្រះករុណា ព្រះអង្គម្ចាស់ជីវិតដម្កល់លើត្បូងនៃព្រះរាជាណាចក្រកម្ពុជា ឡាយប្រហស្ថតែងតាំងឯកឧត្តមជាអភិបាលខេត្ត គឺមកបម្រើលោកយាយ លោកតា ពូ មីង បងប្អូនប្រជាពលរដ្ឋទាំងអស់ មិនមែនមកធ្វើជាចៅហ្វាយរបស់លោកយាយ លោកតា ពូ មីង បងប្អូននោះទេ ដូច្នេះបើលោកយាយ លោកតា ពូ មីង បងប្អូនប្រជាពលរដ្ឋមានបញ្ហាអ្វី សូមអញ្ជើញទៅកាន់សាលាខេត្តដើម្បីជួបខ្ញុំ បើបញ្ហាណាដែលហួសពីសមត្ថភាពរបស់ថ្នាក់ខេត្ត ខ្ញុំនឹងធ្វើសំណើជូនថ្នាក់លើដើម្បីរកវិធានការដោះស្រាយរាល់បញ្ហាទាំងអស់នោះ”។ ក្នុងកម្មវិធីកាន់បិណ្ឌទី១៣ ឯកឧត្តម បាននាំយកទេយ្យវត្ថុទៅប្រគេនវត្តលឹមពូលស្យារាមរួមមានៈ
១.ទឹកបរិសុទ្ធ ៥កេស
២.ទឹកក្រូច ៥កេស
៣.ស្កសរ ៥គីឡូក្រាម
៥.តែ ៥គីឡូក្រាម
៦ អង្ករ ៣០០គីឡូក្រាម
៧ ថវិកា $២០០
ដោយវត្តគណៈធម្មយុត្តិចំនួន ពីរទៀតដែលស្ថិតក្នុងស្រុកត្រាំកក់គឺវត្តនូច័ន្ទគីរីប្រសិទ្ធារាម និងវត្តសម្ផស្សគិរីវណ្ណារាមទទួលបានថវិកាក្នុងមួយវត្តចំនួន $ ២០០ និងអង្ករចំនួន ៣០០គីឡូក្រាម និងចែកបច្ច័យជូនលោកយាយ លោកតា ពូ មីង បងប្អូនប្រជាពលរដ្ឋ ប្អូនកុមារា កុមារីក្នុងម្នាក់ៗទទួលបានថវិកា ១០,០០០រៀល។
1555479_330566380448188_4718174379481393474_n 10340005_330566397114853_7481931319293109223_n 10616561_330566200448206_7226071029073802417_n 10641176_330566310448195_5594557034490916705_n 10702130_330566297114863_8876203647417895615_n