ពិធីជប់លៀលអបអរឆ្នាំថ្មីដល់វីរកងទ័ពនៅបញ្ជាការដ្ឋានវរសេនាតូចលេខ ១១៤


រសៀលថ្ងៃទី០១ ខែឧសភា ឆ្នាំ២០១៥ ឯកឧត្តម ឡាយ វណ្ណៈ អភិបាលខេត្តតាកែវបានអញ្ជើញជាអធិបតីក្នុងពិធីជប់លៀលអបអរឆ្នាំថ្មីដល់វីរកងទ័ពនៅបញ្ជាការដ្ឋានវរសេនាតូចលេខ ១១៤ ស្ថិតក្នុងភូមិត្រពាំងក្រឡាញ់ ឃុំអូរសារាយ ស្រុកត្រាំកក់ ខេត្តតាកែវ។ នាឱកាសនោះឯកឧត្តមបានសំណេះសំណាលសួរសុខទុក្ខដល់បងប្អូនវីរកងទ័ព និងបានថ្លែងអំណរគុណដល់វីរភាពរបស់បងប្អូនដែលលះបង់សាច់ស្រស់ ឈាមស្រស់ដើម្បីបុព្វហេតុជាតិមាតុភូមិ និងបានជូនពរដល់បងប្អូនទទួលបាននូវសុខភាពល្អ កម្លាំងម៉ាំមួន ទទួលបានជោគជ័យគ្រប់ភារកិច្ច។
ឯកឧត្តមអភិបាលខេត្តក៏បានឧបត្ថម្ភដល់កងវរសេនាតូចលេខ ១១៤ នូវ អង្ករចំនួន ៣តោន ថវិកា ២លានរៀលសម្រាប់ចំណាយក្នុងកម្មវិធីជប់លៀង និង៤លានរៀលសម្រាប់ចំណាយទៅលើការទូទាត់ក្នុងការកសាងសមិទ្ធិផលនានានៅក្នុងទីបញ្ជាការដ្ឋាន។
11169511_430848510419974_8721972576224914671_o 11169780_430848490419976_3095742209783757664_o 11174366_430848377086654_2035935543771153428_o 11203599_430848753753283_3239256550640243954_o 11216507_430848390419986_8450344320279921785_o