ឯកឧត្តម ឡាយ វណ្ណៈ ឯកឧត្តម គិន ណែត និងលោកជំទាវ នាង កឹមម៉ើ អញ្ជើញចូលរួមពិធីបុណ្យសព និងគោរពវិញ្ញាណក្ខន្ធសមាជិកក្រុមប្រឹក្សាឃុំក្រពុំឈូក ស្រុកកោះអណ្តែត

ក្រោយពីទទួលដំណឹងដ៏សោកសៅស្តីពីមរណៈភាពរបស់លោក រ័ត្ន ឆែម សមាជិកក្រុមប្រឹក្សាឃុំក្រពុំឈូក ស្រុកកោះអណ្តែត ខេត្តតាកែវ ដោយរោគាពាធក្នុងជន្មាយុ ៧៧ឆ្នាំ ល្ងាចថ្ងៃទី០២ ខែមិថុនា ឆ្នាំ២០១៥ ឯកឧត្តម ឡាយ វណ្ណៈ អភិបាលខេត្តតាកែវ លោកស្រី នូ សុវណ្ណនី អភិបាលរងខេត្ត ឯកឧត្តម គិន ណែត សមាជិកក្រុមប្រឹក្សាខេត្ត និងលោកជំទាវ នាង កឹមម៉ើ សមាជិកក្រុមប្រឹក្សាខេត្ត បានអញ្ជើញចូលរួមពិធីបុណ្យសព និងគោរពវិញ្ញាណក្ខន្ធ នៅគេហដ្ឋាននៃសពស្ថិតក្នុងឃុំក្រពុំឈូក ស្រុកកោះអណ្តែត ខេត្តតាកែវ ។ ឯកឧត្តមអភិបាលខេត្តបានបង្ហាញនូវការស្តាយស្រណោះយ៉ាងពន់ពេកចំពោះការបាត់បង់នូវមន្ត្រីមួយរូបដែលខិតខំលះបង់កម្លាំងកាយចិត្តមប្រើជាតិមាតុភូមិ ព្រមទាំងសូមបួងសួងដល់ដួងវិញ្ញាណក្ខន្ធរបស់លោក រ័ត្ន ឆែម បានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ និងបាននាំមកនូវអំណោយមួយចំនួនព្រមទាំងចូលបច្ច័យចំនួន ១លានរៀន និង៦០ដុល្លារផងដែរ។