ឯកឧត្តម ឡាយ វណ្ណៈ អញ្ជើញសួរសុខទុក្ខ និងលើកទឹកចិត្តបងប្អូនកីឡាករអ៊ុំទូកចំនួន ៥៩៤នាក់ ដែលមកពីខេត្តតាកែវ


ល្ងាចថ្ងៃទី០៤ ខែវិច្ឆិកា ឆ្នាំ២០១៤ ឯកឧត្តម ឡាយ វណ្ណៈ អភិបាលនៃគណៈអភិបាលខេត្តតាកែវ អមដំណើរដោយ លោក អ៊ូច ភា អភិបាលរងខេត្ត បានអញ្ជើញសួរសុខទុក្ខ និងលើកទឹកចិត្តបងប្អូនកីឡាករអ៊ុំទូកចំនួន ៥៩៤នាក់ ដែលមកពីខេត្តតាកែវដើម្បីចូលរួមពិធីបុណ្យអ៊ុំទូក អកអំបុក និងលយប្រទីប នៅរាជធានីភ្នំពេញចាប់ពីថ្ងៃទី ៥ ដល់ថ្ងៃទី៧ ខែវិច្ឆិកា ឆ្នាំ២០១៤ នៅមុខព្រះបរមរាជវាំង។ ក្នុងពិធីនេះឯកឧត្តមអភិបាលបានផ្តាំផ្ញើសូមឲ្យបងប្អូនកីឡាករអ៊ុំទូកមានសាមគ្គីភាពគ្នា ចេះថែរក្សាសុខភាព នឹងឈានទៅទទួលបានជ័យជំនះក្នុងការប្រកួត ត្រូវមានអនាម័យ ត្រូវចោលសំរាមក្នុងធុងសំរាមដើម្បីថែរក្សាបរិស្ថានរាជធានីភ្នំពេញដែលជាបេះដូងនៃព្រះរាជាណាចក្រកម្ពុជាយើងឲ្យមានសភាពស្រស់ស្អាត ត្រូវចេះជួយគ្នាទៅវិញទៅមក ហើយឯកឧត្តមក៏បាននាំយកអំណោយមួយចំនួនទៅជូនបងប្អូនកីឡាករអ៊ុំទូក។សូមបញ្ជាក់ដែរថាឆ្នាំនេះខេត្តតាកែវមានទូកចំនួនប្រាំពីរដែលចូលរួមប្រណាំងគឺទូកឈ្មោះ៖
១.អង្គរបូរីវណ្ណៈមុនីច័ន្ទសុខសែនជ័យ
២.កោះអណ្តែតសុខសែនជ័យ
៣. គីរីវង់សុខសែនជ័យ
៤.ច័ន្ទសោមសែនមង្គល
៥. បាទីសូសុខសែនជ័យ
៦.តាកែវទ្រាំងសុខសែនជ័យ
៧. បូរីជលសារសុខសែនជ័យ
10418265_348060658698760_4616613262447633807_n10367687_348060695365423_790061785732683790_n1653847_348060468698779_6466636625660229733_n1513648_348060768698749_8445986776040802369_n