ឯកឧត្តម អ៊ូច ភា ទទួលជួបសំណេះសំណាលជាមួយប្រតិភូខេត្តគៀនយ៉ាង នៃសាធារណរដ្ឋសង្គមនិយមវៀតណាម


ព្រឹកថ្ងៃពុធ ១០រោច ខែចេត្រ ឆ្នាំរកា នព្វស័ក ព.ស២៥៦១ ឯកឧត្តម អ៊ូច ភា អភិបាលខេត្តតាកែវ បានទទួលជួបជាមួយ ប្រតិភូខេត្តគៀនយ៉ាង នៃសាធារណរដ្ឋសង្គមនិយមវៀតណាម ដឹកនាំដោយឯកឧត្តម ង្វៀន ថាញ់ងី សមាជិគណៈកម្មាធិការ មជ្ឈឹមបក្សកុម្មុយនីស្តវៀតណាម លេខាបក្សខេត្ត និងជា ប្រធានក្រុមសភាអង្គភាពខេត្តគៀនយ៉ាង អញ្ជើញពិភាក្សា លើកិច្ចសហប្រតិបត្តិកាទ្វេភាគី និងជូនពរក្នុងឱកាសពិធីបុណ្យ ចូលឆ្នាំថ្មីប្រពៃណីជាតិខ្មែរ។
បន្ទាប់ពីស្តាប់នូវពាក្យជូនពរពីសំណាក់ភាគីវៀតណាមរួចមក ឯកឧត្តម អ៊ូច ភា បានមានមតិស្វាគមន៍យ៉ាងកក់ក្តៅ និងថ្លែង អំណរគុណដល់ប្រតិភូវៀតណាមដែលបានចំណាយមកជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងមកដល់ នាពេលដ៏ឆាប់ខាងមុខនេះ។ ឆ្លៀតក្នុងឱកាសនោះ ឯកឧត្តម អភិបាលខេត្តតាកែវ ក៏បានជម្រុញដល់ភាគីវៀតណាម បន្ត ពង្រឹងកិច្ចសហប្រតិបត្តិការឱ្យបានកាត់តែប្រសើរ ថែមទៀត ដើម្បីឱ្យព្រំដែនប្រទេសទាំងពីរកម្ពុជា វៀតណាមនិយាយរួម ព្រំដែនខេត្តតាកែវ និងខេត្តគៀនយ៉ាងនិយាយដោយឡែកក្លាយ ជាបន្ទាត់ព្រំដែនសន្តិភាព សហប្រតិបត្តិការ និងការអភិវឌ្ឍ។
ជាការឆ្លើយតបឯកឧត្តម ង្វៀន ថាញ់ងី បានយល់ស្របទៅនឹង ការលើកឡើងរបស់ភាកីកម្ពុជា ហើយភាគីវៀតណាមនឹងខិតខំ ជម្រុញកិច្ចសហប្រិតបត្តិការតាមបន្ទាត់ព្រំដែនប្រទេសទាំងពីរឱ្យកាន់តែប្រសើរថែមទៀត។
IMG_6798
IMG_6801
IMG_6802
IMG_6804
IMG_6807
IMG_6824
IMG_6825
IMG_6827